تھانہ صدر پولیس کی کاروائی،شادی ہال میں منعقدہ مہندی کی تقریب میں نیم عریاں مجرے پر چھاپہ
بورے والا(چوہدری اصغر علی جاوید سے)تھانہ صدر پولیس کی کاروائی،شادی ہال میں منعقدہ مہندی کی تقریب میں نیم عریاں مجرے پر چھاپہ، کئی امیر زادے رقاصاﺅں سے بوس و کنار کرتے ہوئے دھر لیے گئے،تماشبینوں کے روپ میں موجود امیر زادے رقاصاوں سے بوس وکنارکرتے قابل اعتراض حالت میں پکڑے گئے،پولیس نے دو رقاصاﺅں سمیت13افراد کو موقع سے گرفتار کر لیا،پولیس کو دیکھ کر نشے میں شرابور کئی جوتے چھوڑ کر فرار،پولیس نے سیاسی دباﺅ کے باوجود ملزمان کے خلاف مقدمہ درج کر لیا،تفصیلات کے مطابق تھانہ صدر پولیس کو فون پر اطلاع ملی کہ وہاڑی ملتان روڈ پر واقع نجی شادی ہال میں پی بلاک کے رہائشی ملک سہیل احمد کی رسم حنا کی تقریب چل رہی ہے جس میں بیرون شہر سے منگوائی گئیں رقاصائیں نیم عریاں لباس میں فحش گانوں پر ڈانس کر رہی ہیں اور تقریب میں موجود شہر کے کئی امیر زادے اُن پر نوٹ نچھاور کرتے ہوئے ڈانس کرنے کے علاوہ ان سے بوس و کنار اور فحش حرکات میں مصروف ہیں اس ڈانس پارٹی میں کئی افراد نشے میں دھت ہیں تھانہ صدر کے ٹی ایس آئی/سب انسپکٹر حافظ عدنان احمد جمیل نے بھاری نفری کے ہمراہ چھاپہ مارا تو ڈانس پارٹی میں موجود درجنوں فراد جن میں کئی نشے میں دھت تھے پولیس کو دیکھتے ہی جوتیاں چھوڑ کر فرار ہو گئے جبکہ پولیس نے موقع پر دانش رفیق،شبیر احمد(کراچی)،امانت علی کھوکھر عارف والا،زبیر رشید پی بلاک،شہزاد احمد شریف ٹاﺅن،محمد یٰسین فیصل آباد،محمد مہران چوہان،محمد بلال مشتاق،قزل شیرازی،عثمان آرائیں،احسان علی رضا بھٹی اور دو رقاصاﺅں مومنہ عرف چاندنی اور سونیا دلشار بٹ سکنہ ساہیوال کو گرفتار کرکے موقع سے نچھاور کئی گئی رقم بھی قبضہ میں لے لی اور انکے خلاف مقدمہ درج کر لیا۔
About Author
