نذیر آرائیں کی نااہلی پارک کی جگہ اپنے نام منتقل کروانے کی بنیاد پر ہوئی تھی۔اعجاز بندیشہ
بورے والا(چوہدری اصغر علی جاوید سے)پی ٹی آئی کے ایم پی اے اعجاز سلطان بندیشہ نے کہا ہے کہ گزشتہ 30 سالوں کی کرپشن سے آلودہ لوگ ریاستی اداروں کو چیلنج کر رہے ہیں،سابق ایم این اے چوہدری نذیر احمد آرائیں نے 20 سال تک سرکاری جگہ پر قبضہ کر کے دفتر بنائے رکھا اب میونسپل انتظامیہ انہیں دوبارہ قبضہ سے روکنے کیلئے وہاں اپنے دفاتر بنانا چاہتی ہے جس پر ایم این اے چوہدری فقیر آرائیں نے پریس کانفرنس کے دوران ریاستی اداروں اور ہمارے خلاف جو آلودہ زبان استعمال کی ہے وہ قابل مذمت ہے،ایمانداری کے دعوے کرنے والے (ن) لیگیوں کے کرپشن زدہ چہروں کو شہر کا بچہ بچہ جانتا ہے آج تک انہوں نے اپنے دور اقتدار میں ایک انچ سرکاری جگہ بھی قبضہ گروپوں سے واگزار نہیں کروائی بلکہ جہاں سرکاری جگہ ملی وہاں قبضے کروائے ہیں لیکن وزیر اعظم عمران خان کا ویژن ہے کہ ملک سے قبضہ مافیا کا خاتمہ کرنا ہے جسکے تحت ہمارے ادارے وزیر اعلیٰ پنجاب عثمان بزدار کی قیادت میں صوبے بھر میں قبضہ گروپوں کے خلاف کاروائیاں کر رہے ہیں ہم شہر کی ایک انچ جگہ پر بھی کسی قبضہ مافیا کو اپنے پنجے گاڑنے نہیں دیں گے اور انکی کرپشن کی ساری داستانیں عوام کے سامنے لائیں گے سجاد بھٹی اور انکے والد بزرگ شخصیت شفقت بھٹی کے خلاف جھوٹے اور من گھڑت الزامات لگا کر انہیں بدنام کرنے کی جو کوشش کی گئی اسے ہم کامیاب نہیں ہونے دیں کیونکہ وہ باعزت شہری ہیں انہوں نے کہا کہ سابق ایم این اے نذیر احمد آرائیں نے ناصرف ایم بلاک کی اس سرکاری اراضی پر اپنا دفتر بنائے رکھا بلکہ اس جگہ کو کچی آبادی ظاہر کر کے اسے اپنے نام منتقل کروانا چاہتا تھا جسکی بنیاد پر وہ نااہل ہو کر انتخابی عمل میں حصہ نہ لے سکا اب مقامی انتظامیہ اس جگہ کو کسی صورت خالی نہیں چھوڑے گی تا کہ یہ لوگ دوبارہ اس پر قبضہ نہ کر لیں انہیں عوام کا اتنا ہی درد تھا تو یہ اس سے پہلے ہی اپنے دور میں اس پارک اور کمیونٹی سنٹر کی جگہ پر پارک بنا کر دیتے،ان خیالات کا اظہار انہوں نے سابق ٹکٹ ہولڈر پی ٹی آئی سردار خالد نثار ڈوگر کی رہائش گاہ پر ہنگامی پریس کانفرنس سے خطاب کرتے ہوئے کیا پریس کانفرنس سے سردار خالد نثار ڈوگر اور سابق تحصیل نائب ناظم غلام مصطفےٰ بھٹی نے بھی خطاب کیا ایم پی اے اعجاز سلطان بندیشہ نے کہا کہ ایم این اے چوہدری فقیر آرائیں نے اپنی بنک کی سروس کے دوران جعلی بنک گارنٹیوں پر کئی افراد کو قرضے لیکر دیئے اور بنک کو مالی نقصان پہنچایا انکے سیاسی باپ بھی ملکی دولت لوٹنے پر چور ثابت ہو چکے ہیں اور یہ لوگ انہی کے نقش قدم پر چل کر اب اپنا کرپشن کا سفر جاری رکھنا چاہتے ہیں جس میں یہ کامیاب نہیں ہونگے پریس کانفرنس میں چیئرمین مارکیٹ کمیٹی ملک عثمان اعوان،پی ٹی آئی کے سنیئر راہنما محمد اکرم بھٹی،پی ٹی آئی کے راہنما سجاد حیدر بھٹی،سردار احسن سردار بھٹی،چیئرمین مارکیٹ کمیٹی فروٹ اینڈ سبزی منڈی طارق محمود باجوہ،وائس چیئرمین علی سفیان سلدیرا،سابق کونسلرز شہباز حسین باجا بھٹی،شکیل حشمت،جاوید اقبال قادری،ملک امتیاز حسین اور دیگر نمائندہ شخصیات کے علاوہ پی ٹی آئی کے ورکرز بھی موجود تھے۔
About Author
