جملیرا روڈ سالانہ مرمت نہ ہونے کی وجہ سے کئی قیمتی جانیں نگل گیا،نوٹس کا مطالبہ

بورے والا(چوہدری اصغر علی جاوید سے)جملیرا مانا موڑ روڈ سالانہ مرمت نہ ہونے کی وجہ سے ٹوٹ پھوٹ کا شکار ہو کر کئی قیمتی جانیں نگل گیا،شہریوں کا ڈپٹی کمشنر سے مرمت کا مطالبہ،تفصیلات کے مطابق مانا جملیرا روڈ جس سے درجنوں دیہات منسلک ہیں اس سڑک پر روزانہ ہزاروں مسافر سفر کرتے ہیں کاشتکاروں کی فصلوں کو بورے والا اور گگومنڈی کی منڈیوں تک رسائی کیلئے واحد سڑک ہے جو گزشتہ کئی دہائیوں سے سالانہ مرمت نا ہونے کی وجہ سے مکمل ٹوٹ پھوٹ چکی ہے جگہ جگہ گہرے کھڈے پڑے ہوئے ہیں جس کی وجہ سے اس روڈ پر سفر کرنا جوئے شیر لانے کے مترادف ہے آئے روز حادثات اور ڈکیتی کی وارداتیں ہو رہی ہیں اب تک درجنوں افراد زندگی سے ہاتھ دھو بیٹھے ہیں چک نمبر 291 ای بی،293 ای بی،295 ای بی،281 ای بی،279 ای بی،جملیرا،کھادر،289 ای بی،287 ای بی،269 ای بی،267 ای بی اور 299 ای بی سمیت دیگر دیہات سے تعلق رکھنے والے نمائندہ افراد محمد آمین،محمد عنایت،سابق ناظم عبدالحمید کھوکھر،محمود احمد،کسان اتحاد کے چوہدری محمد الیاس گل کونسلر،چوہدری محمد کاشف ندیم گل،رشید چیئرمین یوسی 57،ملک عثمان،چوہدری مصطفی سندھو 301،ملک امتیاز،سعید وٹو اور دیگر نے ڈپٹی کمشنر وہاڑی اور وزیر اعلیٰ پنجاب عثمان بزدار سے مطالبہ کیا ہے کہ انکی سڑک جلد تعمیر کی جائے تا کہ سفر کے دوران مشکلات میں کمی آ سکے۔