قیامت میں کتنا وقت باقی ہے

نیویارک(مانیٹرنگ ڈیسک) سائنسدان ایک عرصے سے موسمیاتی تبدیلیوں کو انسان کے لئے سب سے بڑا مسئلہ قرار دیتے آ رہے ہیں، اور اب انہوں نے اس حوالے سے انتہائی سنگین وارننگ جاری کر دی ہے۔ ڈیلی سٹار کی رپورٹ کے مطابق دنیا کے چوٹی کے سائنسدانوں کی ایک ٹیم نے تحقیق کے بعد بتایا ہے کہ ”انسان کے پاس صرف 10سال کا وقت رہ گیا ہے۔ اگر اس نے موسمیاتی تبدیلیوں پر قابو پانے کے لیے اپنی روش تبدیل نہ کی اور اسی راستے پر چلتا رہا تو دس سال بعد تباہی برپا ہو جائے گی اور زمین سے زندگی کا خاتمہ ہو جائے گا۔“

’میں نے خواب دیکھا کہ اگلے مہینے کی اس تاریخ کو تیسری جنگ عظیم شروع ہوجائے گی‘ لاتعداد درست پیشنگوئیاں کرنے والے معروف ترین شخص نے اب تک کی سب سے خطرناک پیشنگوئی کردی
رپورٹ کے مطابق انٹرنیشنل انسٹیٹیوٹ فار اپلائیڈ سسٹمز اینالیسز کے سائنسدانوں کا کہنا ہے کہ ”اس وقت عالمی سطح پر 95فیصد توانائی معدنی تیل (پٹرول، ڈیزل وغیرہ)سے حاصل کی جا رہی ہے۔ اگر ہم دنیا کو بچانا چاہتے ہیں تو یہ شرح 25فیصد سے کم کرنی ہو گی۔ اس کے علاوہ درختوں کی تعداد دنیا میں بتدریج کم ہوتی جا رہی ہے۔ ہمیں اس میں بھی خاطرخواہ اضافہ کرنا ہوگا۔
تحقیقاتی ٹیم کے رکن بریان والش کا کہنا تھا کہ ” پیرس کانفرنس میں موسمیاتی تبدیلیوں کے متعلق 194ملکوں نے جو معاہدہ کیا ہے اس پر مکمل عملدرآمد کرنا ہو گا۔ اس معاہدے کے مطابق دنیا کا ماحول 1.5ڈگری سینٹی گریڈ سے زیادہ گرم نہیں ہونا چاہیے۔درجہ حرارت میں اضافے کے تدارک کے لیے ہمارے پاس صرف10سال ہیں۔ اس کے بعد بہت دیر ہو جائے گی۔“

Leave a Reply

Your email address will not be published. Required fields are marked *