اسسٹنٹ کمشنر کا میونسپل کارپوریشن کے عملہ کے ہمراہ شہر میں تجاوزات کے خلاف گرینڈ آپریشن کا آغاز

بورے والا(چوہدری اصغر علی جاوید سے)اسسٹنٹ کمشنر بورے والا کا میونسپل کارپوریشن کے عملہ کے ہمراہ شہر میں تجاوزات کے خلاف گرینڈ آپریشن کا آغاز،شہر کے مختلف مقامات پر سڑک کنارے تجاوزات اور بل بورڈ اکھاڑ دیئے،سامان بھی ضبط کر لیا،تفصیلات کے مطابق اسسٹنٹ کمشنر و ایڈمنسٹریٹر میونسپل کارپوریشن محمد یوسف چھینہ اور چیف آفیسر محمد اکرم واہلہ کی قیادت میں عملہ اینٹی انکروچمنٹ نے بھاری مشینری کی مدد سے لاہور روڈ فوارہ چوک سے تجاوزات کے خلاف گرینڈ آپریشن کا آغاز کر دیا دوران آپریشن میونسپل کارپوریشن کی ٹیم نے سڑک کنارے قائم تمام تجاوزات،کھوکھے اور غیر قانونی بل بورڈز اکھاڑ دیئے اور سامان قبضہ میں لے لیا اسسٹنٹ کمشنر محمد یوسف چھینہ کے مطابق اعلان کے باوجود جن لوگوں نے تجاوزات ازخود نہیں ہٹائیں انکے خلاف اب آپریشن بلاتفریق شروع کر دیا گیا ہے جو تجاوزات کے خاتمہ تک جاری رہے گا شہریوں کو چاہیئے کہ وہ اس کام میں میونسپل کارپوریشن کا ساتھ دیں تاکہ شہر کو خوبصورت بنایا جا سکے۔

Burewala

بورے والا پنجاب کا مشہور شہر ہے جس کی آبادی 15 لاکھ سے بحی زیادہ ہے۔ بورے والا تعلیمی اور کھیلوں کی سرگرمیوں کا بہترین مرکز ہے۔ ڈیلی بورے والا

See author's posts