پاک فوج کا دستہ 8 اگست کو میجر طفیل شہید کے یوم شہادت پر سلامی پیش کرے گا
بورے والا(چوہدری اصغر علی جاوید سے)فاتح لکشمی پور میجر طفیل شہید (نشان حیدر) کا یوم شہادت 7 اگست کو منایا جائے گا،8 اگست کو شہید کے مزار پر پروقاع تقریب میں پاک فوج کا دستہ سلامی پیش کرے گا،تفصیلات کے مطابق بورے والا کے سپوت پاک فوج کے پہلے نشان حیدر میجر طفیل محمد شہید کا 63 واں یوم شہادت 7 اگست کو منایا جائے گا انکے یوم شہادت کے حوالہ سے انکی لازوال قربانی کی یاد تازہ کرنے کیلئے 8 اگست کو انکے مزار واقع طفیل آباد میں ایک پروقار تقریب منعقد ہو گی جس میں پاک فوج کا چاق و چوبند دستہ مزار پر سلامی پیش کرے گا اور پھولوں کی چادر چڑھائے گا میجر طفیل شہید 1914 کو بھارت کے ضلع ہوشیار پور میں پیدا ہوئے وہ 22 جولائی 1932 کو 16 پنجاب رجمنٹ (بھارت) میں بھرتی ہوئے اور 1943 کو میجر عہدہ پر کمیشن حاصل کیا 7 اگست کو مشرقی پاکستان کے علاقہ لکشمی پور میں جب بھارتی فوج نے لکشمی پور چوکی پر قصبہ کر لیا میجر طفیل شہید نے بھارتی سور ماﺅں کو ناکوں چنے چبوا کر لکشمی پور کی اس چوکی کو واگزار کروا لیا اس جنگ کے دوران بھارتی فوج کا ایک گولہ سینے پر لگنے سے میجر طفیل شہید زخمی ہو گئے لیکن اس مرد آہن نے زخمی ہونے کے باوجود ہمت نہ ہاری اور اپنی آہنی ٹوپی دشمن فوج کے کمانڈر کے سرپر مار کر اُسے جہنم واصل کر دیا دشمن وہاں اپنی 4 نعشیں اور تین قیدی چھوڑ کر فرار ہو گیا میجر طفیل شہید نے بھی اس فتح کے بعد جام شہادت نوش فرمایا میجر طفیل شہید کا نام آج بھی زندہ ہے ہر سال انکے یوم شہادت اور یوم دفاع کے موقع پر اُنکے مزار پر پاک فوج کے ایک کمپنی کمانڈر کی قیادت میں چاک و چوبند دستہ شہید کی جرات اور بہادری کو سلام پیش کرنے کیلئے اُنکے مزار پر حاضری دیتا ہے۔
