چوہدری فقیر آرائیں نے ہمیشہ شرافت کی سیاست کو فروع دیکر سیاسی مخالفین کا احترام کیا ہے۔ساجد شاہ
بورے والا(چوہدری اصغر علی جاوید سے)مسلم لیگ(ن) کے ممبر قومی اسمبلی و چیئرمین اسٹینڈنگ کمیٹی برائے سائنس اور ٹیکنالوجی سید ساجد مہدی سلیم شاہ نے مسلم لیگ(ن) کے ممبر قومی اسمبلی چوہدری فقیر احمد آرائیں کے خلاف جھوٹا اور بے بنیاد مقدمہ درج کر نے کی شدید مذمت کرتے ہوئے کہا کہ وہ صاف شفاف اور شرافت کی سیاست پر یقین رکھتے ہیں انہوں نے گزشتہ 40 سال سے علاقہ میں شرافت کی سیاست کو فروغ دیا ہے،ہمیشہ اپنے سیاسی مخالفین کا احترام کیا ہے اور کبھی ان کی ذات پر کیچڑ نہیں اچھالا،ان خیالات کا اظہار انہوں نے گزشتہ روز اسلام آباد سے فون پر میڈیا سے گفتگو کرتے ہوئے کیا انہوں نے کہا کہ چوہدری فقیر احمد آرائیں پر سرکاری زمین کے قبضہ کا الزام لگا کر مقدمہ درج کرنا سیاسی انتقام کی بدترین مثال ہے برسر اقتدار پارٹی کے ممبر صوبائی اسمبلی کو چوک کی جگہ پر قبضہ کرنے سے روکنا ان کا جرم بن گیا۔
