وزیر اعظم شہباز شریف ترک صدر رجب طیب ایردوان کی دعوت پر ترکیہ پہنچ گئے
ترکی(نیوز ڈیسک)وزیر اعظم میاں محمد شہباز شریف کا دو روزہ دورۂ ترکیہ،وزیر اعظم شہباز شریف ترک صدر رجب طیب ایردوان کی دعوت پر اعلی سطحی وفد کے ہمراہ دو روزہ سرکاری دورے پر ترکیہ پہنچ گئے ہیں،استنبول انٹرنیشنل ائیر پورٹ پر استنبول کے نائب گورنر محمود حرسانلی اولو،اعلی ترک سول و عسکری حکام، پاکستانی سفارتخانے اور کونصلیٹ کے سفارتکار نے وزیر اعظم شہباز شریف کا استقبال کیا،اپنے دورے کے دوران وزیر اعظم شہباز شریف اور صدر ایردوان استنبول شپ یارڈ میں پاک بحریہ کیلئے چار ملجم (MILGEM) کارویٹ جہازوں میں سے تیسرے جہاز PNS خیبر کا افتتاح کریں گے،دونوں ممالک کے درمیان مشترکہ تعاون پر مبنی MILGEM منصوبہ پاکستان ترکی اسٹریٹجک پارٹنرشپ میں ایک اہم سنگ میل کی حیثیت رکھتا ہے اس سے قبل پاک بحریہ کیلئے پہلے کارویٹ PNS بابر کی لانچنگ تقریب اگست 2021 میں استنبول میں منعقد ہوئی جبکہ دوسرے جہاز PNS بدر کا سنگ بنیاد مئی 2022 میں کراچی میں رکھا گیا بعدازاں دونوں راہنما دوطرفہ تعلقات،علاقائی صورتحال اور مشترکہ دلچسپی کے امور پر تبادلہ خیال کریں گے اور مشترکہ پریس کانفرنس سے خطاب کریں گے اس موقع پر وزیر اعظم ترکیہ کی تاجر برادری کے وفد اور ECO ٹریڈ اینڈ ڈویلپمنٹ بینک (ETDB) کے صدر سے بھی ملاقات کریں گے۔
