عمران خان ملک مخالف قوتوں کے ایجنڈے پر کام کر رہے ہیں۔شہباز شریف
بورے والا(آفتاب نذیر سے)وزیر اعظم پاکستان میاں شہباز شریف نے کہا ہے کہ ملک کو معاشی اور سیاسی طور پر غیر مستحکم کرنے والوں کے ہر عزائم کو ناکام بنائیں گے،ان خیالات کا اظہار انہوں گزشتہ روز مسلم لیگ(ن) کے ممبر قومی اسمبلی و پارلیمانی سیکرٹری برائے سائنس اور ٹیکنالوجی سید ساجد مہدی سلیم شاہ سے ملاقات کے دوران گفتگو کرتے ہوئے کیا جنہوں نے گزشتہ روز ان سے وزیر اعظم ہاؤس میں ملاقات کی تھی وزیر اعظم نے کہا کہ زمانہ کے جھوٹے شخص عمران خان نے جس طرح غلط بیانی سے ملکی اداروں کے خلاف زہر افشانی کی ہے اس کی مثال نہیں ملتی یہ ملک مخالف قوتوں کے ایجنڈے پر کام کر رہے ہیں اس کی ساری سیاست کا محور ہی ملک کی سیاست میں افراتفری پھیلا کر لوگوں کو گمراہ کرنا ہے اس موقع پر وزیر اعظم پاکستان میاں شہباز شریف نے سید ساجد مہدی سلیم شاہ سے آئندہ انتخابات کے سلسلہ میں ضلع وہاڑی کی سیاسی صورتحال متوقع امیدواروں کے بارے میں گفتگو کرتے ہوئے کہا کہ وہ انتخابات کی بھرپور تیاری کریں سید ساجد مہدی سلیم شاہ نے وزیر اعظم کو اپنے حلقہ انتخاب کیلئے جاری اور مکمل ہونے والے ترقیاتی کاموں سے آگاہ کیا اور مزید ترقیاتی منصوبوں کیلئے درخواست کی جس پر وزیر اعظم نے انہیں منظور کرنے کی یقین دھانی کرائی۔
