عارف والا روڈ پر ٹرک زائرین سے بھری ٹریکٹر ٹرالی سے ٹکرا گیا،ایک خاتون جاں بحق،6 افراد زخمی
بورے والا(چوہدری اصغر علی جاوید سے)گگومنڈی کے قریب عارف والا روڈ پر مکئی سے بھرا ٹرک بے قابو ہو کر زائرین سے بھری ٹریکٹر ٹرالی سے ٹکرا کر اسکے اوپر الٹ گیا،ایک خاتون ٹرک کے نیچے دب کر جاں بحق جبکہ خواتین سمیت 6 افراد زخمی ہوگئے،تفصیلات کے مطابق بورے والا سے عارف والا روڈ گگو منڈی کے قریب ایک تیز رفتار ٹرک جو مکئی سے لوڈ تھا وہ اوور ٹیک کرتے ہوئے بے قابو ہو کر زائرین سے بھری ٹریکٹر سے ٹکرا کر الٹ گیا جسکے نتیجہ میں ٹرالی پر سوار ایک خاتون ٹرک کے نیچے دب کر جاں بحق ہو گئی جبکہ 4 خواتین سمیت 6 زائرین شدید زخمی ہو گئے زخمیوں کو مقامی آر ایچ سی گگومنڈی منتقل کر دیا گیا جبکہ ریسکیو ٹیموں نے کرین کی مدد سے ٹرک کو ہٹا کر خاتون کی نعش نکال لی معلوم ہوا ہے کہ زائرین سے بھری ٹرالی جس میں خواتین سمیت ایک ہی خاندان کے افراد سوار ہو کر عارف والا سے برصغیر کے عظیم صوفی بزرگ حضرت دیوان چاولی مشائخ کے عرس میں شرکت کیلئے آ رہے تھے۔
