شہباز شریف سے چائنا نیشنل نیوکلیئر کارپوریشن اوورسیز کے وفد کی ملاقات
اسلام آباد(نیوز ڈیسک)وزیرِ اعظم میاں محمد شہباز شریف سے چائنا نیشنل نیوکلیئر کارپوریشن اوورسیز کے وفد نے ملاقات کی،وفد کی قیادت چائنا نیشنل نیوکلیئر کارپوریشن اوورسیز کے صدر Zhang Guoliang نے کی،ملاقات کے دوران وزیرِ اعظم میاں محمد شہباز شریف نے کہا کہ چین اور پاکستان کی دوستی بے مثال ہے چین نے ہر اندرونی اور بیرونی محاز پر پاکستان کا ساتھ دیا ہے اور ہر مشکل وقت میں پاکستان کی مدد کیلئے موجود رہا ہے،حالیہ سیلاب سے ہونے والی تباہی کا مقابلہ کرنے اور سیلاب زدگان کی بحالی کیلئے جاری کاموں میں چین نے پاکستان کی بہت بھی مدد کی چائنا نیشنل نیوکلیئر کارپوریشن اوورسیز کی جانب سے سیلاب زدگان کی بحالی کیلئے ایک خطیر رقم کا چیک بھی وزیرِ اعظم کے فلڈ ریلیف فنڈ کیلئے پیش کیا گیا ملاقات میں وزیر مملکت پیٹرولیم مصدق ملک،وزیرِ اعظم کے معاونین خصوصی طارق فاطمی،ظفر الدین محمود اور پاکستان میں چین کے سفیر H.E Nong Rong بھی شریک ہوئے.
