سندھ کے تمام اراکین صوبائی اسمبلی نے اپنے استعفے چیئرمین عمران خان کو پیش کر دیئے
لاہور(نیوز ڈیسک)حقیقی آزادی کی تحریک اور چیئرمین تحریک انصاف کا کرپٹ نظام سے نکلنے کا اعلان،سندھ میں پاکستان تحریک انصاف کے اراکینِ صوبائی اسمبلی نے اپنے استعفیٰ چیئرمین عمران خان کو پیش کر دیئے،تحریک انصاف سندھ کے صدر علی حیدر زیدی کی قیادت میں سندھ کی پارلیمانی پارٹی کی چیئرمین عمران خان سے ملاقات کی اس موقع پر سندھ میں قائدِ حزبِ اختلاف حلیم عادل شیخ اور سندھ اسمبلی میں پارلیمانی لیڈر خرم شیر زمان سمیت دیگر بھی موجود تھے سندھ کے تمام 26 اراکین صوبائی اسمبلی کے استعفیٰ چیئرمین عمران خان کو پیش کرتے ہوئے تحریک انصاف پارلیمانی پارٹی سندھ نے کہا کہ چیئرمین عمران خان کی حقیقی آزادی کی تحریک کی بھرپور حمایت و تائید کرتے ہیں صوبائی اسمبلی کی نشستیں چیئرمین اور پارٹی کی امانت ہیں سندھ میں عمران خان کے سپاہی ہیں کپتان جب حکم دیں گے اسمبلی سے نکل کر کرپٹ زرداری راج کا مقابلہ کریں گے اہلِ سندھ اپنے منتخب نمائندوں کے ذریعے عمران خان کے دست و بازو ہیں سندھ کرپٹ،نااہل،بددیانت اور سفاک راج سے نجات چاہتا ہے آئندہ انتخابات میں سندھ میں تحریک انصاف ہی واحد اکثریتی جماعت بن کر ابھرے گی۔
