ریاست پاکستان کا جوہری پروگرام فول پروف کمانڈ اینڈ کنٹرول سسٹم کے زیر انتظام ہے۔شہباز شریف
اسلام آباد(نیوز ڈیسک)وزیر اعظم میاں محمد شہباز شریف نے امریکی صدر سے منسوب بیان حقائق کے برعکس اور گمراہ کن قرار دیتے ہوئے مسترد کر دیا،وزیر اعظم شہباز شریف نے کہا کہ بطور ذمہ دار جوہری ریاست پاکستان کا جوہری پروگرام فول پروف کمانڈ اینڈ کنٹرول سسٹم کے زیر انتظام ہے،دنیا کے امن کو اصل خطرہ ان سرفہرست جوہری ممالک سے ہے جو اسلحہ کی دوڑمیں شامل ہیں اور ان ممالک سے جہاں جوہری سلامتی سے متعلق باربار حادثات ہوئے،دنیا کے امن کو اصل خطرہ عالمی مروجہ اقدار کو پامال کرنے والی بعض ریاستیں،انتہا پسند قومیت پسندی اور غیرقانونی قبضوں کے خلاف جدوجہد کرنے والوں کے انسانی حقوق کی خلاف ورزیوں سے بھی ہے وزیر اعظم شہباز شریف نے مزید کہا کہ دنیا کے امن کو اصل خطرہ سلامتی کے ان اتحادوں سے بھی ہے جن کی تشکیل سے علاقائی توازن متاثر ہو رہا ہے۔
