تھانہ ماڈل ٹاﺅن پولیس کی کاروائی،ڈکیتی کے ملزمان گرفتار،لوٹا ہوا مال برآمد
بورے والا(چوہدری اصغر علی جاوید سے)ڈکیتی کی واردات کے چند گھنٹوں بعد ہی تھانہ ماڈل ٹاﺅن پولیس نے ملزمان کو گرفتار کر لیا،ملزمان سپر سٹور سے دو لاکھ روپے نقدی اور تین موبائل لوٹ کر فرار ہو گئے تھے،ملزمان سے تفتیش جاری ہے،تفصیلات کے مطابق تھانہ ماڈل ٹاﺅن کی حدود وڑائچ ٹاﺅن برلب نہر واقع المدینہ سپر سٹور پر تین نامعلوم مسلح ڈاکو داخل ہوئے دوکان کے مالک محمد رمضان کے علاوہ دوکان کے اندر موجود گاہکوں کو یرغمال بنا کر گن پوائنٹ پر دو لاکھ روپے نقدی اور تین موبائل فون چھین کر موٹر سائیکل پر فرار ہو گئے تھے جسکی اطلاع ملتے ہی ڈی پی او وہاڑی احسان اللہ چوہان کے حکم پر ایس ایچ او ماڈل ٹاﺅن مہر محمد عباس نے شہر بھر کی ناکہ بندی کروا کے ملزمان کی تلاش شروع کر دی چند ہی گھنٹوں بعد پولیس نے دو ملزمان کو اسلحہ سمیت گرفتار کر لیا جبکہ انکا ایک ساتھی موٹر سائیکل پر فرار ہو گیا پولیس نے دونوں گرفتار ملزمان کو متاثرہ دوکاندار کی شناخت کے بعد نامعلوم مقام پر منتقل کر کے انکی تفتیش شروع کر دی پولیس تھانہ ماڈل ٹاﺅن کے اس فوری ایکشن اور ملزمان کی گرفتاری پر شہری حلقوں نے انہیں خراج تحسین پیش کیا ہے۔
