تھانہ فتح شاہ پولیس کی کاروائی،سنگین وارداتوں میں ملوث دو گروہوں کے چھ ارکان گرفتار
بورے والا(چوہدری اصغر علی جاوید سے)تھانہ فتح شاہ پولیس کی کاروائی،ڈکیتی،راہزنی اور دیگر سنگین وارداتوں میں ملوث خطرناک جرائم پیشہ افراد پر مشتمل دو گروہوں کے 6 ارکان گرفتار کر کے انکے قبضہ سے 8 لاکھ سے زائد مالیت کا مال مسروقہ برآمد کر لیا،ملزمان کا تعلق بین الاضلاعی گروہوں سے ہے اور درجن سے زائد مقدمات میں ملوث ہیں،پولیس،تفصیلات کے مطابق ڈی پی او وہاڑی احسان اللہ چوہان کی ہدایت پر جرائم پیشہ عناصر کے خلاف جاری مہم کے دوران ڈی ایس پی شمس الدین کی زیر نگرانی ایس ایچ او تھانہ فتح شاہ شاہد اسحاق گجر اور انکی ٹیم نے ڈکیتی اور راہزنی کی وارداتوں میں ملوث زاہد عرف زیدی گینگ کے چار ارکان زاہد اکرم،فلک شیر عرف ملنگ،الطاف اور غلام حسین سے تین مختلف وارداتوں میں لوٹی ہوئی رقم اور طلائی زیورات جنکی مالیت ساڑھے چار لاکھ سے زائد ہے برآمد کر لی جبکہ انکے قبضہ سے وارداتوں میں استعمال ہونے والا بھاری اسلحہ بھی برآمد کر لیا تھانہ فتح شاہ پولیس نے دوسری کاروائی کے دوران ڈکیتی اور نقب زنی کی 11 سے زائد وارداتوں میں ملوث گروہ کے دو ارکان اکرام ڈھڈی اور غلام قادر کو گرفتار کر کے دوران تفتیش ان سے ساڑھے تین لاکھ روپے مالیت کے دو موٹر سائیکل اور نقدی کے علاوہ وارداتوں میں استعمال ہونے والا اسلحہ بھی برآمد کر لیا ان خطرناک جرائم پیشہ گروہوں کی گرفتاری پر ڈی پی او وہاڑی احسان اللہ چوہان کا کہنا ہے کہ ضلع وہاڑی کو جرائم پیشہ عناصر سے پاک کرنے کیلئے پولیس دن رات محنت کر رہی ہے اور معاشرے کے ان ناسوروں کو جو عوام کی جان و مال کے دشمن ہیں انکے خلاف گھیرا تنگ کر دیا گیا ہے اور ضلع وہاڑی میں انکو چھپنے کی کوئی جگہ نہیں ملے گی۔
